بو حالتده

بیلن بو دردیمی یوخدور بو حالتده، بو حالتده،
توتوبدور کؤنلومو موحنت بو فیرقتده، فیرقتده.

نه چون احوالیمی بیلمز او ماه مهربان، یا رب؟!
نه دن هئچ دادیما یئتمز بو مددتده، بو مددتده؟

گئدیبدیر طاقتیم دیزدن، توکنمیش نور هم گؤزدن،
نه چون الفت کسیب بیزدن بو غربتده، بو غربتده.

دئیین یار وفاداره، او چوخ اویماسین اغیاره،
کرم قیلسین من زاره بو خیفت ده، بو خیفت ده.

آتارام سر و سامانی، داغیدارام بو ویرانی،
یولوندا قویموشام جانی بو تهمت ده، بو تهمت ده.

گؤزومده اینتظاریم وار، دیلیمده اضطرابیم وار،
رقیبلر یار، من اغیار بو غفلت ده، بو غفلت ده.

وطن دن آیریلیب گئتدیم، عشق رهینده سئیر ائتدیم،
هیجرینده من جانا یئتدیم بو حسرت ده، بو حسرت ده.

منی قویدو فراغیندا، همیشه آه و زاریندا،
عمرومون آخیر چاغیندا بو عصرت ده، بو عصرت ده.

دولاندیم هیجر داغیندا، اییلدیم غم اطاغیندا،
خیال حوسنون سوراغیندا بو ساعت ده، بو ساعت ده.

خیالیم یار ایله گئتمیش، دیلیم هیجر ایله اودلانمیش،
جسد هم ناتوان قالمیش بو ذلت ده، بو ذلت ده.

No Comments

Post a Comment