دهرده هیجر اودونا یاندی کمینه، یارب

شور عشقین ائیله ییب بس کی، منی دیوانه،
شهرۀ شهر اولوبام عالم-آرا افسانه.
او قد و قامتی گؤردوکجه خدا دان دیله رم،
دولانیم باشینا کیم شمعه نئجه پروانه،
قان توتوب گؤزلرینی مست ایکن پیوسته،
روز ازّل نئجه کیم، توتدو منه پیمانه.
دست بوسین منه گر ممکن اولا عمرومده،
خاک پایینه دوشوب، جان وئرم مردانه.
لطف ایله الیمی توت کی، من افتاده،
مست لیک دن آییلیب بلکه گلیم ایمانه.
گؤرجک اول زلفونو کفره دییشیب ایمانی،
گؤزوم اؤز الیم ایله، من نه دئییم صنعانه؟
عشق دردینه اطبا قاموسو عاجزدیر،
وصل علاج ائده مگر بو مرض پنهانه.
باخما آهوی ختن وه کی، خطایا سالدی،
منی بیر چشمی سیه باخماق ایله مستانه.
دهرده هیجر اودونا یاندی کمینه، یارب،
حشرده حیفظ ائله کیم، تا نه قالیب نیرانه.

No Comments

Post a Comment