قوجالیق

قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم
گوزومون نوری گئدیب دیزده یوخومدر طـاقـت
بـاخیـرام مـن ایشیـن ازوایشینــه هــر ســاعــت
گورورم هـردم ئـوزومـده بیـر عجـایـب حـالـت
گئجه لـر صبحـه كیمـی یـاتمـایـرام هیـچ راحـت
دوشمه یـر اینـدی جـوانلیـق الـه فـریـاد ئـولـورم

بیر كسیم قالمامیش عرض ائیله یم ئوز احوالیمی
درد چكمكدن آقارمیـش بـو قـارا سـاقـالیمـی
بیـر گــونــی ائیلمــه ز امــداد منــه اقبــالیمــی
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

گئتـدی الـدن نقـدر واریـم ایـدی جـاه و جـلال
ذرّه جـه قـالمـامیـش اصـلاً داهـا دولـت و مـال
آلیـب اطـرافیمـی لشگـر كیمـی انـدوه و مــلال
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

نئجــه آســوده اولــور درد و بــلادن بــاشیـــم
آغلاماقدان جوشوب عُمّانه دونوب گوز یاشیـم
همت ائتمـه ز منـه اصـلاً نـه قـوهـوم قـارداشیـم
بئلـه بیـر گـونـده كـه هشتـادی گئچیبـدر یـاشیـم
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

خوش او گونلر كه جونلیقدا جـلالیـم وار ایـدی
حق بیلیر كیم نـه قـدر دولـت و مـالیـم وار ایـدی
نـه ده بیـر بئیلـه منیـم درد و مـلالیــم وار ایــدی
قوجالیق سالـدی ایـاقـدان منـی ای داد ئـولـورم
دوشمه یـر اینـدی جـوانلیـق الـه فـریـاد ئـولـورم

این نوشته در علی آقا واحد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *