ده ده وای

شوشادا اولان صابر آدینا كولوب پیس وضیعتده ایدی
رایون تشیگلاتلاری بوندان خبردار ایدیلرلاكن تـدبیـر
گورمورلر (مخبر مكتوبوندان)

ده ده وای هی یـاتیـرام بیـر یـوخـدان دویـاممیـرام
بو آغیر یاتماقیمین سـرّی نـه دور دویـا ممیـرام؟!
سانكه قیزدیرمالییام باخسان اگـر رنـگ روخـومـا
بیر پوتووقا گوتوروب گئدملـی الـدوم سـوخـومـا
گئجه اولماز كه گلیب گیـرمگـه صـابـر یـوخـومـا
چـاقیـریـر طعنـه لـی سـوزلـرلـه منـی اویـاممیـرام
بو آغیر یاتماقیمین سـرّی نـه دور دویـا ممیـرام؟!

دییـرم ای بـویـوك اوستـاد منـی سـالمـا یـادینــا
شـوشـا شهـرینـده دییلـر كـه كـولـوب وار آدینـا
بئلــه معلــوم كــه لایـــق دگـــل استعـــدادینـــا
حلـه ده مـن ئـوزومـه خیـردا بیـر آد قـویـاممیـرام

بو آغیر یاتماقیمین سـرّی نـه دور دویـا ممیـرام؟!
بو. كولوب. بنزه یر هر چند اوچـولمـوش اطـاقـا
چئووریلیب قیشدا اینك یازدا قویون ساخلاماقـا
آتیلیـب مـوسیقـی آلتلـری بیـر كـونـج بـوجـاقـا
منه نه مـن كـه بـوتُـوز تـوپـراقـا هیـچ بـویـانمیـرام
بو آغیر یاتماقیمین سـرّی نـه دور دویـا ممیـرام؟!

چوخ آداملار بو .كولوبدان. بیره مین خیره چاتیر
دورد نفـر ایشچیسـی وار مفتـه یئییـر مفتـه یـاتیـر
بوش آداملاردا گلیر آخشاماجان شش بئش آتیر
اوزكـه وادر اوتـانیـر هیـچ كسـی قـوولا یـاممیـرام
بو آغیر یاتماقیمین سـرّی نـه دور دویـا ممیـرام؟!

بیلمه یرمی بو .كولوب. صحبتنی رایكـوم ئـوزی؟
گورمه یـر سنجـه معـارفچیلـریـن یـوخسـا گـوزی
بیرده تكرار ائلمه هـر یئـره چـاتـدیـن بـو سـوزی
دانلایب اونلارین هـر گـون اوزونـی یـویـاممیـرام
بو آغیر یاتماقیمین سـرّی نـه دور دویـا ممیـرام؟!
ده ده وای هی یـاتیـرام بیـر یـوخـدان دویـاممیـرام


این نوشته در علی آقا واحد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *