بایرام نغمه سی

گوز آچماقا بیر لحظه ناقون وئرمه دی فرصـت
افسوس بو ایـل اولمـادی بـایـرام بیـزه قسمـت
گئچمیشده كیمین واردی منیم كیمی جلالـی؟
شـأن و شـرفـی حـرمتـی هـم دولتـی مــالــی
بایرامدا دوزلدردیـم هـر ایـل مجلـس عـالـی
احـوالیمـا اینـدی یـانیـرام گئچمیشــه نسبــت
افسوس بو ایـل اولمـادی بـایـرام بیـزه قسمـت

مملــو ایــدی سفـــره م علمـــادن نجبـــادن
گوندوز گئجه سر گرم ایدیك هر ذوق صفادن
گـورمــه ز دیــك اثــر مجلسمیــزده فقــرادن
دولموشدی بوتون مجلسمه صـاحـب ثـروت
افسوس بو ایـل اولمـادی بـایـرام بیـزه قسمـت

مین شوق هـوسلـه ائـوی بـایـرامـدا بـزه ردیـم
كئفین چكنی بـوشقـابـا میـز اوستـه دوزردیـم
گلسه یدی كاسب مجلسه حلقـومـون اوزردیـم
دولتلـی گلـن وقتـه ائـدردیـم اونــا حــرمــت
افسوس بو ایـل اولمـادی بـایـرام بیـزه قسمـت

امّـا گــوروم اینــدی ائلــه دینسیــز آدامــلار
حتّـی بـو گـوزه ل بـایــرامــی دا ائیلــه انكــار
جمشیـددن ایللـرجـه قـالیـب یعنـی بـو آثــار
بایرام دییه بیـزلـرده بـونـی ائتمیشیـك عـادت
افسوس بو ایـل اولمـادی بـایـرام بیـزه قسمـت

این نوشته در علی آقا واحد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *