قربان بایرامی

بیرده گورسـه یـدیـم سنـی رویـاده قـربـان بـایـرامـی
حسـرتیـم قـالمـازدی بـو دنیـاده قـربـان بـایـرامــی
حضـرت ابـراهیمیـن سنسـن اوجـالـدان شهـرتیــن
سـن اونـون آرتیـردیـن عـالمـده جـلالیـن دولتیــن
بیـر سنـه تـاپشیـردی گئتــدی بیــز مسلمــان امّتیــن
اولمـوشـوق ارثـأ سنـه دلـداده قـربـان بــایــرامــی

كوز اونوندن گئچمیشم سینمیش ته كرتك فیرلانیـر!
سانكی امـریملـه یئنـه كئـف مجلسیـم حـاضـرلانیـر
توستو قالخیر دالبادال شیشلیك گلیر مـانقـال یـانیـر
گـزدیـریـر معشـوقـم الـده بـاده قـربـان بـایــرامــی

ایندیـده فكـریمـده در بـرك ایشمیشـم كلّـه م دولـی
مجلسمدن قوولایدیم بایرام گونـی بیـر یـوخسـولـی
نه كباب وئردیم نه وردیم بیـر قـه پـك بـایـرام پـولـی
آجلیقینـدان بـاشـلادی فـریـاده قـربـان بـایـرامــی

مجلسیمده جورلادیم وارلیدی بگ خان بوسبوتون
لایقی یوخدی بیزه هر یوخسـولـون هـر بیـر قـولـون
یوكسه لیردیك گوگلره چخدیقجا مانقالدان تـوتـون
فخـر ائـدیـدیـم مـن سنینلـه آده قـربـان بـایـرامــی

ایندی تئیلیم چئووریلیـب دنیـا دگیشمیـش سـربسـر
وار نه قـربـانـدان نـه شیشلیكـدن نـه مـانقـالـدان اثـر
كهنه عادتلـر پـوزولـدی مـن قـوجـالـدیـم مختصـر
دوشمـه یـر ایللـرجـه اصـلا یـاده قـربـان بـایـرامـی

این نوشته در علی آقا واحد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *