كربلای قنبرین اوغلونا نصیحتی

اوغلوم آتانیـن چخمـا سـوزونـدن كـور اولارسـان
آل وئـردن اوزاقـلاشمـا اینـان دلخـور اولاراســان
یونگولجه دولان بـرك ایشـه گیـرمـه یـورولارسـان
پاپروس ساتان اوغلـوم
سرخوش یاتان اوغلوم
بیـریـرده گئــدیــب ایشلمـــه یــن اینــدی عبثــدر
پـاپـروسـدان اوچـرددن نـه قـازانسـان بیـزه بســدر
میـن مفتـه تــرامــوایــلارا گئــد تینلــری كســدر
پاپروس ساتان اوغلـوم
سرخوش یاتان اوغلوم
بیلـدیـرلـری آل وئـرلـه بـویـوك دولتـه چـاتـدیـم
اوچ آی قیشی هیی قند چای آلیب خلوتی ساتدیم
هر چند بیـر آزجـزئـی گئـدیـب حبسـده یـاتـدیـم
پاپروس ساتان اوغلـوم
سرخوش یاتان اوغلوم
ایندی آ بالام آز قالیـب اون بئـش یـاشیـن اولسـون
بیر مین سنین هر گونده گرك داش بـاشیـن اولسـون
آل وئرچی گـرك الـدن ایـاقـدان مـاشیـن اولسـون
پاپروس ساتان اوغلـوم
سرخوش یاتان اوغلوم
شكر آللها صـانـدیـق دولـوسـی قنـد چـائیـن وار
آرشیـن مـالیـدان گـونـده پـاسـاشلاردا پـائیــن وار
غمه چكمه توتـولسـان نـه دی كـی آلتـی آئیـن وار
پاپروس ساتان اوغلـوم
سرخوش یاتان اوغلوم
گئت چای خانایا ائچ چائی چك نئشه نی حـالـلان
دنـج اولمـا سـاتـاش خلقـه تـرامـوایـلارا سـالـلان
تئز گیر جیبـه گـوردون كـه پلیـس وار یئـره تـولـلان
پاپروس ساتان اوغلـوم
سرخوش یاتان اوغلوم
سـن گئچمیشـه بـاخمـا آتـان اونـدا خـوزئیـن دی
قالسایـدی او مـال دولتیـم هـر گـاه بیـری میـن دی
دولتـده گئـدیـب مـالـدا گئـدیـب نئیلـه یـم اینـدی
پاپروس ساتان اوغلـوم
سرخوش یاتان اوغلوم
عبـرت آل آتــانــدان
مامملی مانـان اوغلـوم
ئولسون آتـان اوغلـوم
سرخوش یاتان اوغلوم

این نوشته در علی آقا واحد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *