مانند مسیحا

ای قاشی کمان، کیپریگی اوخ، زولفو چلیپا،
ای گؤزلری شهلا،
بیللاهی ائدر لعل لبین موردنی احیا،
مانند مسیحا.
چک پرده یه روخ، گون کیمی گؤسترمه جمالین
هر بی سر و پایه.
رحم ائیله من عاجیزه، ای سرو دیلرا،
ای دیلبر زیبا.
گل مهر و وفا اوسته، اونوت جؤور و جفانی،
اللهی سئورسن.
قوربانین اولوم، عاشیقی گؤزدن بئله سالما،
تقسیریمه قالما.
صنعان کیمی تسبیح و ریدانی اودا سالدیم،
ترسا دئدین، اولدوم.
ایندی دئیه سن دور اودا گیر، منده نه یارا،
مؤوقف بر ایما…
یارب، کیمه اظهار ائلییم راز نیهانیم،
اود توتدوم آلیشدیم؟!
فیکریم بو ایدی شمعه قیلم راز دیل ایفشا،
قلبیم دئدی حاشا.
عمرومده اگر بیر گئجه مئهمانیم اولایدین،
ای شمع دیلفروز،
ملعون ایدیم ائتسیدیم اگر غیره تماشا،
بیر اؤزگه تمنا.
“المیننت لیلله” اوخودوم “علم لدوننی”
اوستاد ازلدن.
فیض نظری ائتدی منی قابیل اسما،
چون خیضر موعلا.
وئر حوسنونه زینت، گئیین ایستبرق و سوندوس،
ای نور موحرق.
تور نظریمده ائله بیر لحظه تجلل،
تا مهو اول موسی،
افسوس کی، عالمده دئییل داغ چاپان اوغلان
فرهاد هنرمند،
تعلیم وئریدیم اونا من درس ”سمئ عنا”
تا آیۀ اؤوفا.
مجنون ایدی عشق اهل ینین اوستادی، حقیقت،
پیریمدن ائشیتدیم.
عفو ائیله گوناهین سن اونون، بار خدایا،
اوسله و به لیلا.
هرچند قاراداغلییام، یوخدو کمالیم،
موشکولدو کلامیم،
هر فرده مستوردو بیر دورر موصفا،
یوز لؤلؤ و لالا.
یاندی جیریم، بسدی فغان ائتمه، نباتی،
بیر لحطه توت آرام.
صحرای جونون ایچره اول آزاده دیل، آمما
توت دامن مؤولا.

این نوشته در سیّد ابوالقاسم نباتی - مستزاد ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *