عشق عالمنده عاشیقه لازیم دئیل طبیب

فصل بهارین عطری گولو یاسمن ده دیر،
بولبولرین گؤزو اود و باغ و چمنده دیر.

هر وقت گورنده گول اوزونو ائیلرم یقین،
بوكامل اوستالیق سنه صورت چكنده دیر.

عاشیق اودور یانار اودا پروانه تك یانا،
پروانه یه صفا گونو ناره روشنده دیر.

قاچماز بلادن عاشیق اولان امتحان وئره ر،
بو امتحان حبیبینه قوربان كسنده دیر.

چوخلار دیئیرلرعاشیقم اما اینانماین،
صادق بیرامتحان اولان جاندان گئچنده دیر.

عشق عالمنده عاشیقه لازیم دئیل طبیب،
بو درده كیم دوچار اولا درمانی سنده دیر.

شادلیق زمانی عاشیقه ایستكلی یار ایله،
بیر یرده ایلشیب میلی گولگون ایچنده دیر.

این نوشته در ابراهیم ذاکر اردبيلى ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *