چون وطن توپراغی وئرمیش دیر آنام تك سود منه

من غزل یازماخدا شوخ قیزلار دئیل دیر نیتیم،
همدم حب وطن دیر سئوگیم اوز میلتیم.

بیر قوجا مداحیم اؤز خالقیمین اوز یوردومون،
هاردا ایلشسم وطن اولادیدیرهم صحبتیم.

چون وطن توپراغی وئرمیش دیر آنام تك سود منه،
نازمی خلقیم چكر یوردوم وئره ر هرنعمتیم.

یوردومون عشقیله یاننام اودلارا پروانه تك،
خدمت ائت مك دیر اونا دونیادا هرآن عادتیم.

ذاكرم دوشمز الیمدن هیچ زمان دفتر قلم،
بو سبب دن خالق ایچینده هر گون آرتار حرمتیم.

این نوشته در ابراهیم ذاکر اردبيلى ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *