قلبی نین وارسا گؤزو، گل چمنی سیرائیله

ترجمه سی “م. سلطان اؤو” داندی

لطفه باخ، گؤر نه گؤزه ل منظرۀ خضرا دیر؟!
یئنه صبحون کولیی گؤر نئجه روحف افزا دیر!
بو باهار فصلی، لطافتیله اسن باد صبا،
هر یئره فیض آپاران قاصد خوش سیما دیر.
ایلدیریم برقی تؤکور دُرّ چیچک یارپاغینا،
کولیین تیترییشی گلشنه عنبرسا دیر.
قلبی نین وارسا گؤزو، گل چمنی سیرائیله،
حُقّۀ غنچه نی آل گؤر نه دولو صهبا دیر.
چؤللری سیر ائلمک دولتیدیر دنیانین،
بولودون کؤلگه سی نه سایۀ استغنا دیر.
غنچه نین نطقی اگر یوخسا، دهانی واردیر،
او دا بو نعمت ایچون شکر ائله ین رعنا دیر.
بو یاشیل اوت دا اگر ساکت ایسه بیر دیلی وار،
اونون هر نکته سی بیر نغمۀ مستثنی دیر.
من دونن گئتمیش ایدیم گلشنه سیر ائتمک ایچون،
گؤردوم هر بیتکیده آثار فرح پیدا دیر.
غنچه لری دولدورور هی شبنم ایله پیمانه،
لاله ده باده یویور، اؤز ایشینه دارا دیر.
گل اودو اوردا کباب ائتمه ده بلبل اوریین،
هر طرف قمری، گؤیرچین دل آچیب گویا دیر.
ایستدیم اوردا قالام، قلب دئدی: ترک ایله!
ایستدیم بزمه گئدم، طبع دئدی: بیجا دیر
کی، نچون فانی اولان بزمه کؤنول وئرمه لیسن،
بو ولی نعمت ایچون درد گتیرن معنا دیر.
او قلم صاحبی خوش خلق ولی نعمتیمیز
کی، می مجلسی بیر مرحمت عظما دیر.
اودور الان کی اونا خلق ائلییر راز نیاز،
او بو گون جمله فنون اوزره دُرّ یکتا دیر.
نامه تک هر کس اونون تعظیم ائدیر درگهینه،
بیر قلم تک هامی نین آرزوسو اوندان صادر.
آللاهین رحمتیدیر ارضده عبدالرحمان،
او وفا باغینه بیر زیور بی همتا دیر.
ای سعادتدنیزیندن یارانان میرواری،
هر کسین ایستیینه خاک درین ملجا دیر!
لاله تک اؤز قانینا غرق اولان عالمده منم،
مجلسینسه چمن عیش و فرح بخشا دیر.
قلبیمین داغینه باخ، چاک گریبانیمی گؤر،
منی بو حاله سالان، بیل، ستم دنیا دیر.
ایک اوچ گون منه اؤز فیض نمیندن پای وئر
کی، هر ایلده ایک اوچ گون عملیم برپا دیر.
سروریم، خسته فضولینی ازیر درد و الم،
غم کیمی سندن اوزاق دیر او دا، بیل، رسوا دیر.
جان آتیر مجلسینه چونکی بیلیر، هر نفسین
قلبی نین دردینه مثل نفس عیسی دیر.
وار امیدیم کی، جاهان گلشنینی سوسلمه یه،
تا کی، بو سنبل و نسرین و سمن زیبا دیر،
متصل فیض دعان ایله چاتان مقصدینه،
من کیمی کیمسه دعاگوی سر والا دیر.

این نوشته در مولانا محمد فضولی ٠۲ -قصیده - فارسجا ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *