من هم اونون بو امرینی ده ائیله دیم روا

ترجمه سی “م. سلطان اؤو” داندی

ای آصف زمانه، بو اوضاع حالیمی،
بیر دینله کیم، کلام حسابی ائدیم ادا.
بیر جمع ورموش ایدی منیم نقد عمرومه،
اوّل حسابدا، حاسب مستوفی قضا.
اصل ایله جمع مبلغینی یوخلایان زامان،
ائتدی عبث حسابینی بوشلوقلا ابتدا.
فاضلرین کرامتی ائتدی کمک منه،
خرجیم تامام اولدی منیم مدح مرتضی .
هر بیر قصیده مین ده بؤیوک اعتباری وار.
وئرمیش ایکی هدیه اونا خلق ایله خدا.
ابلاغینی خیال واریم دیر یاری بؤله م،
صرف ائیله یم یولوندا: دئیم مدحیله ثنا،
بیر باخ، بو جمع و خرجده هر شئی یئرینده دیر،
تفصیلیم آیدین اولدی، مختصریم ده فرح افزا.
امرائیله دی فلک یئر اکیم من عؤمور بویو،
من هم اونون بو امرینی ده ائیله دیم روا.
گؤز یاشلاریم گوجویله یاراتدیم حساب سیز آرخ،
دانه کیمی سپیلدی سرشکیم ده تورپاغا.
اول دانه لر بلا بولودوندان گوج آلدیلار،
تا کیم حصوله گلدی بئله خرمن وفا.
توتدوم اونون عیارینی میزان شعرایله،
اوندان گلیب پای آلدی، بودور جمله اولیا.
بؤیله یکون ورولدو منیم کشت و کاریمه،
بؤیله وئریلدی شعریمه ده قیمت و بها.
گل سن اؤزون بو حالیمه قال، الله عشقینه،
منسب لی لر یولوندا منه وئرمه چوخ بلا.
رببیم همیشه قول ائله سین بختی قوی سنه،
قوی گؤزه له سین همیشه قاپیندان جاهان عطا.

این نوشته در مولانا محمد فضولی ٠۲ -قصیده - فارسجا ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *