بیچاره کریمی سالما نظردن

گؤزللرین شاهی، شوخ و نازنین،
یئتیشیبدی حکمون کولل جهانه،
بیلیرسنمی نئجه یاخشی یاراشیر،
زرفشان کمرین، اینجه میانه.

گلمه ییب دنیایا سن کیمی دلبر،
گولبرگ-لبلرین یاقوتا بنزر،
دولانیم باشینا، ای پری پیکر،
زولفیمه صبح لر ائیله مه شانه.

پریشان تئللرین آلدی قراریم،
ماییلم حوسنونه، سئوگیلی یاریم،
چشم سیاهیمسان، لاله عذاریم،
اولاییم من حیران سن کیمی جانه.

شاهباز عالم من سنی بیللم،
دوشوبن تورپاغا یولوندا اؤللم،
دانۀ خالینین قربانی اوللام،
قبول ائیله یه سن، شاه زمانه.

جمالین آرتیق دیر شمس و قمردن،
یولوندا کئچمیشم جان ایله سردن،
بیچاره کریمی سالما نظردن،
اگرچی کافرم، گلدیم ایمانه.

این نوشته در موجریم کریم واردانی - قوشمالار ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *