هر جور کی چکدین شیکن زلف دن ای دیل

منظور بودور: اول دیل دیوانه داغیلسین،
بیر شانه چک اول زلف پریشانه، داغیلسین.
کؤنلوم قوشو صید اولماغا گر اولسا مرادی،
تؤک تئللرینی، هر بیری بیر یانه داغیلسین.
بیر دانۀ خال سیهین سئومه دین آخر،
زاهد، گؤروم اول صبحۀ صد دانه داغیلسین.
گؤستر قاشینی، آچ لب مئیگونه دمادم،
ایسترسن اگر مسجید و میخانه داغیلسین.
ایچدیکجه منیم باغریمی قان ائتدی بو باده،
بیر دور ائله، ساقی کی بو پیمانه داغیلسین.
هر جور کی چکدین شیکن زلف دن ای دیل،
عاجز، سن یاز اونو، قوی صفحۀ ایرانه داغیلسین.

این نوشته در محمد خلیفه عاجز ٠١- غزللر ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *