عاجزین قانینا رنگین

خالخال سیه کمرده بیر –
سیه تئللی پری گؤردوم.
او گؤزلره آیی، گونو،
زؤهره نی، مشتری گؤردوم.

بیر ملک دیر ائنیب یئره،
بنزه مه ز هرگز بشره،
پری گؤروندو نظره،
او ملک منزری گؤردوم.

نه شامدا، وار، نه حلبده،
نه عجمده، نه عربده،
مختصر ظلمت شبده،
خورشید انوری گؤردوم.

دئمه، او سرو قامتی،
قیامیندا قیامتی،
قیامت دیر علامتی،
شوریش محشری گؤردوم.

اوخ کیرپیگین، زلفون پرچین،
عاجزین قانینا رنگین،
همی بیر آلیجی لاچین،
همی کبک دری گؤردوم.

این نوشته در محمد خلیفه عاجز ٠٢- گرایلیلار ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *