بیر گول اوزلو یار وصلین گؤرمه دیم نواب تک

غرق دریای غم اولدوم، ای خدایا، داده یئت،
غصه دن گول تک سارالدیم، ای خدا، فریاده یئت.

غنچه تک قان اولدو باغریم گولوستان دهریده،
گول کیمی پژمرده اولدوم، ای خدایا، داده یئت.

بولبول شیدا کیمی ناله م جاهانی چولغادی،
گول صفاسین گؤرمه میش اؤلدوم، ای خدا، فریاده یئت.

باده وصلیله سرشار اولمادیم ساغر کیمی،
اشک خونین ایله دولدوم، ای خدا داده یئت.

بیر گول اوزلو یار وصلین گؤرمه دیم نواب تک،
جور اغیار ایله سولدوم، ای خدا، فریاده یئت.

این نوشته در میر محسن نواب ٠١- غزللر ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *