یوخدور انصاف سنه، نواب بیر ائتمز نگاه

بیر نگاری ایسترم عالملرین اعلاسیدیر،
روزگارین باغی ایچره نوگول رعناسیدیر،
جان اونا قیمت دئگیل، قیمتلرین ادناسیدیر،
چونکی بو سودای کامیل گولروخان سوداسیدیر.

نازیله نازیک باخاندا دین و ایمانی آلیر،
غمزه سی آهنروبا تک جسمدن جانی آلیر،
قیمت لعل لبی ایران و تورانی آلیر،
چونکی بو سودای کامیل گولروخان سوداسیدیر.

خال و خط و طلعتی فردوس اعلایا دگر،
قامت شومشادی مین-مین سرو طوبایا دگر،
زلفونون هر تاری یوز لیلا و عذرایه دگر،
چونکی بو سودای کامیل گولروخان سوداسیدیر.

زاهدا، بو بیز دئگیل کیم، اللی قات باشا قویوب،
شید و سالوسی ایله بیچاره عوامی تولایوب،
آج قورد کیمی جمعین پول، مالینی سویوب،
بلکه بو سودای کامیل گولروخان سوداسیدیر.

یوخ ملامت عاشیق بیچاره گر جاندان کئچه،
بیر بئله جانان یولوندا خانماندان کئچه،
بو دئگیل حالووا کی، موللا دین و ایماندان کئچه،
بلکه بو سودای کامیل گولروخان سوداسیدیر.

بو دئگیل یاقوت و آلماس و زبرجد زیوری،
هر دنی زاده آلیب زینت، وئره دوش و بری،
بو دئگیل دینار و دیرهم کیم، ییغا هر سرسری،
بلکه بو سودای کامیل گولروخان سوداسیدیر.

یوخدور انصاف سنه، نواب بیر ائتمز نگاه،
بولبول شیدا کیمی گر ائده سن افغان و آه،
کهبۀ کویینده عمرون مایه سین ائتسین تباه،
چونکی بو سودای کامیل گولروخان سوداسیدیر.

این نوشته در میر محسن نواب ٠٢- مربع لر ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *