یا حسین، ای خاک پایین عالمین باشینا تاج

ائیله مشتاق جمالم، بیلمنم دنیا ندیر؟
طالب بزم وصالم، بیلمنم دنیا ندیر؟

ای جماعت تشنه سیز، چون مطحر قانیما،
راضییام یوز مین بلالار، گر یئتیشسه جانیما،
روحومو لاهوتده بذل ائتمیشم جانانیما،
عالم عنصورده بو سئودا نه دیر، سفرا نه دیر؟

من وطندن اول زامان کیم زار گریان کؤچموشم،
شوق ایله جانان یولوندا باش و جاندان کئچمیشم،
عالم معنادا من جام شهادت ایچمیشم،
عالم زهرده بو مینا نه دیر، صهبا نه دیر؟

گر یانام عشق آتشینه، شایق آرا موسی کیمی،
پای داره چکسه نیز، مین کز اگر عیسی کیمی،
باشیمی قطع ائیله سز هر دم اگر یحیی کیمی،
نوش جاندیر، بیلمنم خنجر نه دیر، ادا نه دیر؟

ائیله رم تکرار «ارنی» چونکی عادت دیر منه،
گر ائشیتسم «لنترانی» چوخ غنیمت دیر منه،
دوستدن یوز مین بلالر عین لذت دیر منه،
بو شهادت وادی سیدیر، «لن» نه دیر، «لمّا» نه دیر؟

من گرکدیر کیم، بو گون واصل اولام جانانیمه،
مین سنان و تیغ و خنجر گر یئتیشسه جانیمه،
بو محاسینیم گرک دیر کیم، باتا آل قانیمه،
عازیم درگه یارم، بیلمنم دنیا نه دیر؟

بو شهادتده گرک باباامه تقلید ائیله یم،
دسته مازیمی بو گون قان ایله تجدید ائیله یم،
سجده ده معبودیمی تحمید و تمجید ائیله یم،
ساجده مسجید نه دیر، معبد نه دیر، صحرا نه دیر.

مین غم و محنت آرا سالدیز بو شاه بی کسی،
شئشدر حئیرت آارا سالدیز بو شاه بی کسی،
غرق دریای فنا ائتدیز بو شاه بی کسی،
دخی بیر بی عار اوچون بو شور و بو غوغا نه دیر؟

یار و انصاریم گئدیب بی یار و یاور قالمیشام،
بو بلا دشتینده من زار و مکدّر قالمیشام،
نیم بئسمل قوش کیمی بی بال و بی پر قالمیشام،
گولشنیم تاراج اولوب، بولبول نه دیر، شیدا نه دیر؟

ارغوان کیمی بویانمیش قاسم گول پیکریم،
سروی قد قارداشلاریم، گول اوزلو نازلی اکبریم،
غنچه وش پرخون دوشوب خاکه علی اصغریم،
بیلمنم سونبول نه دیر، سوسن نه دیر، رعنا نه دیر؟

یا حسین، ای خاک پایین عالمین باشینا تاج،
ای شهادتلری وئرن اسلام دینینه رواج،
ائتگیلن نواب زارین درد و زارینه علاج،
جزب قیل تا بیلمه سین دنیا نه دیر، عقبا نه دیر.

این نوشته در میر محسن نواب ٠٣- نوحه ارسال شده است. افزودن پیوند یکتا به علاقه‌مندی‌ها.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *